Европын Холбооны санхүүжилттэй хэрэгжиж буй “Эдийн засгийн ногоон шилжилт” төсөлд хамрагдаж үйл ажиллагаандаа Байгаль орчин, Нийгэм, Засаглал (БОНЗ)-ын менежментийн тогтолцоог нэвтрүүлэн хэрэгжүүлж буй Монгол улсын хүнсний салбарын аж ахуйн нэгж байгууллагуудад TQCSI Mongolia ХХК нь БОНЗ-ын менежментийн тогтолцооны баталгаажуулалтын аудитыг хийж гүйцэтгэлээ. Монголын хүнсний салбарт БОНЗ -ийн шаардлагыг хангасан анхдагч компаниудыг бий болгох замаар ногоон хөгжилд бодитоор хувь нэмэр оруулж байгаа төслийн гол зохион байгуулагч талууд болох ТоС Холбоо / MSFA, Development Solutions NGO – Хөгжлийн Шийдэл ТББ, People in Need – PIN Mongolia, Caritas Czech Republic in Mongolia байгууллагууд болон бусад оролцогч талуудад талархал илэрхийлье! 
